مدرب بطيخه
عمرى ما اقتنعت بحسن شحاته ده أبدا كمدرب
رغم إن كتير بيشوفوه أحسن مدرب حصل فى التاريخ و إنه تانى أحسن حاجه بعد الآله الحاسبه
لا خطه ولا شكل ولا أداء ولا أى حاجه
أنا نفسى أفهم مين إللى قاله معلومة إن محمد بركات بيلعب ف الشمال
ليه عماد متعب ؟
لعيب كسر .. ومفروض علينا .. مهاجم تعبان و الدليل وضعه الحالى فى إتحاد جده
ليه أبو تريكه وميدو و حسنى بره ؟؟؟
يعنى اللى حسنوا اللعب شويه بعد ما نزلوا هم أبو تريكه و ميدو ، وطبعا اضطر ينزلهم بعد ما ورط نفسه بالتشكيله الغريبه دى و لقى نفسه مزنوق وكان ممكن يلعب ناقص بعد ما أحمد حسن اتصاب
غير المدرب بقى ... فإحنا عندنا حبة لاعيبة زى الفل
مش هعرف أقول غير زى الفل بصراحه
أنا كنت متوقع ماتش الجزائر مع رواندا تعادل و متوقع إننا هنغلب زامبيا و كنت أتوقع إن الجزائر إللى هتتأهل فى الآخر
دلوقتى أعتقد إن تأهلنا بقى مضمون
متشوق بصراحه أشوف الزميل إللى كان بيقول هنغلب 7-0 ده بكره فى الكلية
مبروك يا ولاد
هى كانت ناقصاكوا فعلا
سلام ...
هناك 16 تعليقًا:
نوووو كومنتوووو
:(:(
حسن شحاته ربنا يرحمنا منه
فاكر نفسه جوزيه بيلعب بركات باك ليفت علشان يموتة ونقول بركات معملش حاجة فى المنتخب ووجع القلب ده
مش عارف صبر على متعب كل دة ازاى فى الماتش كان المفروض با المستوى الزفت ده كان طلع من اول تيم او بعد نص ساعه با الكتير ده مستسلم خالص هوزيدان حاجه تخنق
كان بمناسبه البطيخ وطالما كده كده طالعين وكاس العالم يبقى احفادنا بقى يشوفه
كان نفسى الحضرى يشيل كمان 3 على الاقل حاجه تفرحنى بدل حرقه الدم دى
MǿиY El-Shreef
ليه كده ؟
أمبارح كان عمرى عشرين!!!
طيب كويس
فيه حد متفق معايا فى الكلام أهه
بلاش اتكلم احسن ياقبلاوى :(
قلتلك يوفروا الفلوس وبلاش منها
حكاية الكاسات والحاجات الكبيرة دى
لكن قعدت تقولى التمثيل الرياضى والتجارى
ومش عارف ايه؟ياقبلاوى احنا عايزين حد مخلص
يجيب عيال من سن 4سنين كده ويعمل لهم مدارس ومعاهد بعد كده(زى فى اكاديمية الفنون) عايزين حد يبطل الوسايط والاسم الكبير والتاريخ العريق .
صراحة عايزين حالنا يتعدل فى حاجات
كتيرة مش فى الرياضة بس
وقلبت عليا المواجع
هممممممممممم
ياقبلاوى تفاءلوا بالخير تجدوة
ان شاء الله هنغلب الجزاير
انا متفائل خير
بس فية نقطة انا متفق معاك فيها
على اللى شوفتة دة
اتضح ان مش الحضرى بس اللى من كفر البطيخ
لأ
حسن شحاتة قريبة من بعيد كمان !!!
ازيك يا قبلاوي
ليك تاج عندي
اوعى تهرب
Norahaty
أزيك يا دكتوره
عندك حق بس أحنا كده كده هنسيبنا م البطولات بمزاجنا أو غصب عنا ده مش فريق ممكن يعمل أى حاجه
الخطيب
أزيك يا خوخو
ماشى يا سيدى تفاءل
هو أحنا يعنى نكره
حسام
حبيبى
مش ههرب
ايه الكائن الاخضر ده ؟
انت رحت فين يابني
طمنا عليك
ايه التوقعات دي يا عم الحج
يا عم اديتي اي امل
نفس اتفرج علي مصر في كأس العالم قبل ما اموت
fat7i
معرفش بصراحه إيه الكائن ده بس هو بيعبر عن حالتى النفسيو وقتها
ده غير إن لونه يعنى شبه لبس زامبيا و الجزائر
MǿиY El-Shreef
معلش بس النت عندى فاصل و لسه كان عندى امتحان النهارده و الحاله صعبه خالص
شكرا على السؤال
أبو العريف
يعنى هى توقعاتى اللى هتغير
لو على كده خلاص أتوقع اننا هنفوز بكاس العالم
إرسال تعليق