الأربع 18/ 3النهارده مكنش فيه محاضرة أطفال
كان بدالها محاضرة عاملها مركز تطوير التعليم ف الجامعة
وهم مختارين مادة من كل دفعه و عاملينلها منهجها و أسئلة و فيديوهات و أنيميشن بقى و شغل ع النت
و مختارين الأطفال من سنه خامسة
فى المحاضرة كان جى واحد من بتوع التطوير دول بيشرحلنا إزاى نستخدم الموقع ..
اللى بيشرح كان بيشرح على أساس إن مستوى الناس إللى قدامه مفيش خالص .. على أساس إن الكمبيوتر بالنسبه لهم فى تعقيد أى مركبة فضاء محترمه
و للأسف فيه نسبه كبيره كده فعلا ...
طبعا جمعونا فى مدرج التشريح ( المدرج الوحيد النضيف ف الكلية ) .. الكمبيوتر غلبهم على ما رضى يفتح ..
بس بصراحه أنا سعيد يعنى ..
أنا داخل الكليه دى و هى كليه تانيه غير إللى دلوقتى خالص
يعنى قصص الخيال العلمى إللى كنا بنسعها فى الجامعات التانيه بقينا بنشوفها أهه
فعلا الخمس سنين إللى فاتوا دول كانوا محورين فى تاريخ الكلية ...
بس يعنى بينضفوها أما قربنا نخلص
هناك 14 تعليقًا:
كنت عايز أحضر أنا المحاضرة دي
بس للأسف محصلش نصيب
ماهو انتوا اللى عدى عليكم كتيير يا أخى مش هما اللى اتأخروا هى الخطة خمسية وانتم ماشاء الله تفوقتم عليها يقطعوا نفسهم يعنى :)
بس جميل احنا عندنا لما كنت فى آداب من زمااااان كده كانوا بيشرحلونا على ويندوز95 بلا فخر :)
ربنا يعينكم هااانت إن شاء الله
ههههههههه
ماهو فعلا انتوا الي سبقتوا المناهج
بس هو في فعلا ناس ماتعرفش تتعامل مع الكومبيوتر لحد ناو
عجيبة يامصر
انا افتكرت ان هو ده الحاجه الي كل مصر عبقريه فيها :D
ع العموم ربنا يعينكو وتخلصوا ع خير:D
هههههههههههههه
كليتنا يابنى
طنطا حلوة دلوقت
حسام
شكرا على زيارتك
كويس انك مجش
كانت محاضرة فى غاية الملل
خديجه
نورتى المدونة
ما على الكمبيوتر ما دخل طنطا بقى
MǿиY El-Shreef
أيوه فعلا فيه لسه ناس متعرفش الكمبيوتر ده ....
انا اللى كان قاعد جمبى كان قاعد يضحك طول المحاضرة .. بس عشان مش فاهم حاجه من اللى الراجل بيقولها
الخطيب
منور يا عسل
فعلا طنطا حلوه دلوقت .. ده كفاية شارع البحر
سلام عليكم
اظن
ان فى فعلا تحسن
بس بطىء شويه
وبيعتمد اكتر على رئيس أى قسم
ويارب نشوق تقدم ملموس بعد كده ونبعد عن الروتين الممل
خلاص ما انت قولت فى عنوان البوست
عقبال المية والنور .
شوية شوية هنتقدم انت مستعجل ليه ..؟
معاك حق والله
بس عادى بقى المحاضرة دى ابقى خد تعسيلة فيها :d
مدونتك جامدة
د/عرفه
شكرا على تشريفك المدونة
أنا معاك فعلا فى إن رئيس القسم بيفرق ...
أكبر مثال الباطانه و الأطفال
الفرق بينهم شاسع
نبض الحياة
مش مستعجل ولا حاجه
أنا بس مستغرب كل ما أسيب مكان يظبطوه
أكيد المشكلة فى الآخرين يعنى
أمبارح كان عمرى عشرين!!!
التعسيلة مش فى المحاضرة دى بس
أما إحنا بنروح الكلية ليه أصلا .. عشان هواها بحرى و النومه فيها متتعوضش
شكرا على زيارتك و أتمنى تبقى دايمه
إرسال تعليق