الأربعاء، 18 نوفمبر 2009

ضربة جزاء

قصة قديمة
من مجلة TRL العدد التانى


(( تووووووووووووووووووووت ))


· ضربة جزاء ، ضربة جزاء لمنتخب مصر ياسلام ياسلام ضربة الجزاء دى فى منتهى الأهمية لإن زى مانتوا عارفين إللى هيفوز بالماتش ده هايتأهل لكاس العالم


· و شايف العندليب هو إللى داخل يشوط ، يالا يا عندليب عايزين نفرح يابنى


و جاء صوت الجماهير من خلف المعلق هاتفين:


· يارب


ووقف الناس فى الشوارع و الميادين يتابعون الشاشات العملاقة هاتفين:


· يارب


ووقف العمال فى المصانع و المهندسين فى المواقع هاتفين:


· يارب


ووقف الطلاب فى المدارس هاتفين:


· يارب


ووقف الأطباء فى المستشفيات و الفلاحين فى المزارع هاتفين:


· يارب


ووقف الناس على القهاوى هاتفين:


· يارب


كانت لحظة من الصفاء و النقاء و الإخلاص فى الدعاء من جميع فئات الشعب يدعون دعوة واحدة


وهنا عاد صوت المعلق قائلا:


· وداخل العندليب...داخل العندليب...وهوباه...هوباه.... و جوووووووووووووووووووووووووووون


و ارتفع صوت الجماهير من خلفه هاتفين :


· جووووووووووووووووون


وارتفع صوت الناس فى الشوارع و الطلاب فى المدارس و المسئولين فى المكاتب هاتفين:


· جووووووووووووووووون


و عاد صوت المعلق:


· ياسلام كده مصر تتأهل لكاس العالم عظيمه يامصر عظيمه يا مصر


· لأاااااااااااااااااااااااااااااااااااااااااه


· فيه إيه ياراجل ؟ كابوس تانى؟ قولتلك إبقى اتغطى و إنت نايم


· الحمد لله كان كابوس


· إيه شفت إيه؟


· تصورى شفت إن مصر كسبتنا و إتأهلت هى ، بس إن شاء الله إحنا إللى هنغلبهم فى ماتش بكره


· ياعم نام ، و إبقى البس بنطلون بعد كده


· طيب


(( واستدار ينام فى هدوء و سلام نفسى وهو يحتضن علم جيبوتي... بلده الحبيب ))

الثلاثاء، 3 نوفمبر 2009

4 نوفمبر .. العيد القومى لكفر الشيخ


4  نوفمبر العيد القومى لمحافظة كفر الشيخ



4/11/1956 ..
بعد ما فشلت قوات العدوان الثلاثى فى دخول مصر عن طريق البحر ، حاولت فى يوم 4 نوفمبر الدخول عن طريق البرلس ..
فى اليوم ده تصدت البحرية المصرية للهجوم ودمرت  زوارق الطوربيد بارجه فرنسية ومدمرة بريطانية


من أبطال المعركة جلال الدسوقى - اسماعيل فهمى - صبحى نصير - محمد البيومى - وجميعهم من القاهرة وجول جمال السورى ابن اللاذقية وعلى صالح ومحمد رفعت من الاسكندرية -جمال رزق من المنصورة 



الشهيد جلال الدسوقى                                                       الشهيد على صالح



الشهيد جول جمال










بطاقة شخصية :


المساحة : 3748 كم مربع
عدد السكان : 2,517,028 ، حسب تعداد سنة (2003)
عدد المراكز : 10
المحافظ : محاسب أحمد زكى عابدين
شعار المحافظة :






أصل التسمية:
  
سميت كفرالشيخ بهذا الاسم نسبة الى الشيخ طلحة ابى سعيد التلمسانى المغربى الشاذلى صاحب الضريح المقام بمدينة كفرالشيخ الذى قدم إليها من المغرب سنة 600 هجرية.




السياحة فى كفر الشيخ :
  • سياحة ترفيهيه :- جبل النرجس ببلطيم -مصيف بلطيم – بحيرة البرلس  – حديقة دسوق - حديقه صنعاء قديماالزهور حاليا
  • سياحة دينية :- مسجد سيدى ابراهيم الدسوقى  –مسجد سيدى طلحة (مسجد سيدي غازي )(كنيسه العذراء بسخا)مسجد سيدى على الخياط بمسير - الجمعيه الخيريه للرعايه الصحية والاجتماعيه بمسيرمسجد سيدى عبد الرازق بمنية مسير

  • سياحة تاريخية وأثرية :


    -          طابية عرابى – فنار البرلس – هضبة بلطيم – مدينة سخا – تل الفراعين ( فى مدينة بوتو عاصمة مملكة الشمال ) – تل قبريط – منزل الزعيم سعيد زغلول – استراحة الملك فؤاد ( المعهد العالى للخدمة الاجتماعية حاليا )

    سياحة داخلية :
    -          قناطر ادفينا – محطة البحوث الزراعية بسخا ( أكبر محطة بحوث زراعية فى الشرق الأوسط ) – مراكز التدريب على الأرز وآثار حربية كطابية العياش وعرابى  ببلطيم و الآثار الحربية من عهد أسرة محمد على






من أبناء المحافظة :


  • الزعيم سعد زغلول


  • الدكتور محمد عبد الرحمن بيصار شيخ الازهر السابق.
  • الدكتور عبدالمنعم النمر وزير الاوقاف السابق.
  • عبدالعاطى عبدالمجيدالشباسي من كبار علماء الازهر الشريف ولدعام 1919 م من اوائل دفعته صاحب النهضة التعليمية بسيدى سالم توفى عام 2001م.
  • حافظ على بدوى رئيس مجلس الشعب السابق وصاحب الايادى البيضاء على محافظة كفرالشيخ سعى في كل المشاريع الخدمية.
  • أبو إسحاق الحويني من علماء الحديث الشريف .
  • وحيد عبد السلام بالى له كتب في محاربة السحرة و الجان غير ما له من نشاط كبير في الدعوة و في الفقة.
  • حمدين صباحى: ناشط سياسي ومؤسس حزب الكرامة ورئيس تحرير جريدة الكرامة
  • محمد مسعد ياقوت، كاتب وداعية إسلامي، عضو الاتحاد العالمي لعلماء المسلمين، والفائز بجائزة أحمد بهاء الدين عن كتاب أزمة البحث العلمي.
  • محمد عبد الفتاح القصاص، من علماء الجيولوجيا، وهو متخصص في التصحر.


صور من كفر الشيخ : 





 

 

 

 

 

 

 


الخميس، 29 أكتوبر 2009

صور

- يااااه .. إنت الصور دى لسه عندك
= آه ..فاكر الرحلة دى .. إحنا كنا فى سنه كام وقتها؟
- مش فاكر والله .. شوف أنا أهو .. بس إنت فين ؟ مش باين يعنى ؟
= أنا إللى كنت بصور يا ناصح .. ده الفيلم بتاعى و من الكاميرا بتاعتى
- كانت فين الصوره دى؟
= الصورة دى كانت أما نزلنا فى الريست هاوس
- شايف الواد خالد عامل إزاى .... عبيط من يومه
= أيوه .. بس عبيط بعربية دايو ياخويا
- دايو ؟؟ ليه ؟
= جابها بالتقسيط من مرتبه بتاع شركة الأدوية
- يا حلاوه
= دا غير العيادة إللى أبوه فتحهاله فى بلدهم أول ما خلص بيطرى على طول
- وعلى أهه .. فاكر كان عمل إيه فى الرحلة دى ؟
= لأ .. كان عمل إيه ؟؟
- مش فاكر يابنى .. كان وقع الشى على رجل المشرف الأستاذ حسين
= لا بصراحه مش فاكر
- مانا طول عمرى بقلك ذاكرتك ضعيفه
= إنت إللى ذاكرتك قوية زيادة عن اللزوم
- ودا الواد أحمد علاء ... فتح صيدلية وشغال زى الفل دلوقتى
= مع إن الواد طول عمره مشاغب .. ومكنش حد يصدق إنه هيفلح فى الدراسه
- ودا .... هشام ... هو كان دخل كلية إيه ؟
= مش عارف والله ... إنت عارف أنا كنت بسترخمه أصلا
- إشرب شايك بس زمانه برد
= وشريف أهه ... باين نصه بس
- آه بالمناسبه كنت عنده إمبارح فى مكتب المحاسبه بتاعه و بيسلم عليك
= كنت عنده بتعمل إيه ياخويا ؟
- يعنى ساعات كده بفوت عليه أقعد معاه شويه
= و إيه الصوره دى ؟؟ مصور باسم لوحده ليه ؟
- هتلاقينى كنت عايز أحرق الفيلم ولا حاجه
= ههههههههه ... وهو لسه برضه بيطلع بعربية الأتارى؟
- آه ياخويا ماشى يخبط فى الخلق أهه ... هو شايل كام نجمه دلوقتى ؟
= معرفش .. عامة خد بالك من نفسك بقى
- على فكره خطوبته بعد إسبوع
= خطوبه ؟! .... أنا سمعت الإسم دا قبل كده
- هههههه .. ياعم خليك متفائل .. مش كده .. كلها كام سنه ونخطب ... قوم بينا نكمل مذاكرة الجراحه الإمتحان قرب

الاثنين، 12 أكتوبر 2009

يا ترى 2 ولا 3 ؟؟

السلام عليكم ....

طول منا ماشى فى الشارع امبارح بعد ماتش الجزاير ورواندا سامع الناس معديه تتكلم عن الماتش وعن ماتشنا اللى جى مع الجزاير واللى يقلك 2 نتأهل واللى يقول لا 3 ...


الكوره بتثبت فعلا انها تقريبا الحاجه الوحيده اللى رابطه الناس بالبلد دى ...

الشباب الناقم على البلد وعلى أحوالها وبيشتم فيها .. هو نفسه اللى بيقعد يهتفلها ويشجعها أما بتلعب كوره

طبعا المشكلة مش فى البلد .. المشكلة فى اللى فيها .. بس ده مش موضوعنا دلوقتى


بس أما تبقى آمال أمة بحالها متعلقه بماتش كوره .. يبقى ده أكيد مش صح ..

كنا بنتكلم مع سواق تاكسى امبارح وجت سيرة الجرايد فقال انه معندوش وقت للكلام الفاضى ده

احنا بنتكلم عن ناس قراية الجرايد بالنسبه لها رفاهية .. ده بيروح البيت ساعة عايز يشوف الماتش ويتبسط أو يتفرج على أى قناة فيها اسفاف وخلاص وينزل الشغل تانى

بس هل هو غلطان فى كده؟؟

احنا شعب مجنى علينا ..بس بايدينا ....

مش غلط اننا نشجع كوره .. أنا شخصيا أما رواندا جابت الجون امبارح أقعدت أزعق بقى وجووون .. لحد ما الوالده صحيت من النوم مخضوضه
" فيه ايه ؟ "
= رواندا جابت جون

كان واضح طبعا انها اقتنعت بالمبرر بتاعى يعنى ...



مش غلط اننا نشجع كوره .. انما الغلط انها تبقى مبلغ طموحاتنا وآمالنا ...




الملاحظ كمان ان فيه شحن كبير ..









تشوف (قلة الأدب ) و الاستفزاز والكلام الفاضى

* " فلوس الفراعنة لشراء الحكم و الفريق الرواندي "

* " الآن سنزور مصر لمشاهدة الأهرامات فقط! "

* " معركة مصر "

* مصر غلبت زامبيا عشان راشيين الحكم

* رواندا لعبت حلو مش عشان تتأهل لبطولة افريقيا ، انما عشان مصر دافعالها ودافعه للحكم



معتقدش ان لوكانت مصر او الجزاير هيلاعبوا اسرائيل مثلا كان هيبقى الوضع كده

كده أصلا الأمور بتخرج بره حدود كونها مجرد كوره



وكان طبيعى ان يبقى الشحن من الناحيتين ..


عمرو أديب فى بداية حلقة القاهرة اليوم



هو ده حقيقى فعلا .... اننا اللى علمناهم العربى وحقيقى فعلا اننا دربناهم و ساعدناهم ، ده يا أخى حجة فرنسا فى حربنا فى العدوان الثلاثى كانت مساعدتنا للثورة الجزائرية

حماده بيقولى ان الجزاير هى الدوله الوحيدة اللى كانت مُحتله وفى نفس الوقت عندها سلاح جوى فى دوله تانيه .. لان ببساطه مصر اشترتلهم طيارات وجابت الطيارين ودربتهم هنا

بس على الرغم من ان الكلام ده صح .. الا أن مش كل حاجه صح ينفع تتقال فى التلفزيون ... بس أنا شايف - من وجهة نظرى - ان ده يمكن سر نجاح عمرو أيب .. لإنه قعلا بيقول اللى انت نفسك تقوله ،،، غير كتير من المذيعين المتصنعين اللى بتحس انه موظف جى يخلص الحلقة ويمضى ويروح ...


مبروك للجزائر ..

فريق الجزاير الضعيف .. اللى كان عمره ما هيتأهل لولا وجوده فى مجموعة واحدة مع مصر ...




" السلام عليكم... { ويمكرون ويمكر الله والله خير الماكرين } أتمنى أن تقوم أجهزة إستخباراتنا بالكشف عن خبايا الصفقة التي تمت بين مصر وزامبيا ورواندا وهل لمبارك يد في ذلك فالرجل لا يريد أن ينغص شيئ على مشروعه الرامي إلى توريث الحكم لولي عهده الأمير جمال ويريد أن يبقى أشقاؤنا المصريين مخدرين بحلم المونديال حتى يستفيقوا على عهد الرئيس جمال مبارك. والله مهزلة "

تعليق لأحد الزوار فى موقع لجريدة جزائرية




الجمعة، 9 أكتوبر 2009

زامبيا

زامبيا


بطاقة شخصية :

السكان :11,696,000مليون تسمة

المساحة :752,614 km²

العاصمة : لوساكا

اللغة الرسمية : الانجليزية

العملة : كواشا

الديانة الرسمية : المسيحية

يشكل المسلمون 5 % من السكان



علم زامبيا



الاسم القديم : روديسيا الشمالية ( بينما روديسيا الجنوبية هى زيمبابوى حاليا )

جاء اسم زامبيا من نهر ( زمبيزى ) الذى يشكل أغلب حدودها الجنوبية


نهر زمبيزى


هو رابع أنهار افريقيا من حيث الطول (2750 كم) ويكون نهر الزمبيزى شلالات فيكتوريا





نظامها ايه زامبيا دى يعنى ؟؟

زامبيا نظام الحكم بها جمهورى

زامبيا دولة حبيسه


الاحصائيات بتقول ان 1 من كل 5 من البالغين مصاب بالإيدز ( أكتر من 10 % من السكان )


زامبيا أولى دول العالم تصديرا للنحاس ، وده واحد من أهم مصادر دخلها القومى


منتخب زامبيا :

أهم انجازات الفريق

احتلال المركز الثالث في كاس الامم الافريقية سنة 1996 بعد الفوز على غانا ب1/0 ، وفى البطوله دى كسبوا مصر فى دور الـ 8 3-1

خسارة مباراة نهائي كاس الامم الافريقية 1994 امام نيجيريا

احتلال المركز الثالث سنة 1990

احتلال المركز الثالث سنة 1982

وصيف منتخب جمهورية الكونغو سنة 1974



صور من زامبيا :


شلالات فيكتوريا






شلالات كالامبو :D


بحيرة كاريبا


الطبيعة الزامبية



لوساكا- العاصمة - ( العاصمة هى العاصمة فى أى مكان .. حيث تجد الخدمات والأحياء الراقية والشوارع النظيفة والسينما والمحسرح ومولات التسوق والفنادق )







صور من الريف الزامبى

الأربعاء، 7 أكتوبر 2009

7 أكتوبر ... العيد القومى للغربية

السلام عليكم

7 أكتوبر .. العيد القومى لمحافظة الغربية

محافظة الغربية مساحتها 1948 كم مربع و عدد سكانها 3 مليون و 400 ألف نسمه

محافظة الغربية بتتكون من 8 مراكز ( طنطا - المحلة الكبرى - زفتي - كفر الزيات - السنطة - سمنود - قطور - بسيون )




شعار المحافظة

عبارة عن ترس ذهبى بداخله مئذنة وقبة المسجد الأحمدى





اختير يوم 7 أكتوبر العيد القومى للغربية فى ذكرى صمود شعب الغربية ومقاومته للحملة الفرنسية عام 1798


كان لى أن أحضر احتفالات العيد القومى فى طنطا بحكم الدراسه ... حيث البهجه والأعلام الملونه والزحمه وقفل الشوارع .. خاصة قدام مستشفى الجامعه وده الكمان المثالى اللى تمنع العربيات انها تعدى فيه طبعا



أشهر أبناء المحافظة ...

* الفريق عبد المنعم رياض رئيس أركان حرب القوات المسلحة المصرية في [[حرب الاستنزاف]
* الفريق سعد الشاذلى رئيس أركان حرب القوات المسلحة المصرية في حرب 1973 م.
* درية شفيق المناضلة و السياسية المصرية .
* وزير الشباب والرياضة سابقا عبدالأحد جمال الدين
* الأديب سعد ابراهيم ابوالمعارف سلامه
* المؤرخ عبد الرحمن الجبرتي
* دكتور أحمد خالد توفيق ( دكتور طب المناطق الحارة بكلية الطب ، وأشهر أدباء العصر الحالى .. مؤلف سلسلة روايات " ما وراء الطبيعة و فانتازيا و سفارى " )





* دكتور نبيل فاروق .. الرجل الذى ترك بصمه فى فكر كل شباب هذا الجيل ..
* المستشارمحمد ايمن شاكر العنانى عضو الحاشية الملكية الذى حارب من أجل المعتقلين السياسيين ولقب بمحمد البتة
* القارئ الشيخ محمود خليل الحصري
* القارئ الشيخ مصطفى إسماعيل
* الشيخ يوسف القرضاوي رئيس لجنة الفتوى
* الشيخ السيد النقشبندي
* الشيخ عبد الحى النجار
* المفتي نصر فريد واصل
* مفتي الديار المصرية سراج الدين البلقينى
* الصحفي أحمد المسلماني مقدم برنامج الطبعة الأولى
* الموسيقار عبده الحامولي
* الموسيقار محمد فوزي
* الفنانة هدى سلطان
* الفنانة عفاف راضى
* الفنانة زهرة العلا
* الفنانة مي كساب
* الفنان محمد عطية بطل الموسم الأول من ستار أكاديمي
* بطل كمال الأجسام أنور العماوي



صور من طنطا ....

محطة السكة الحديد



شارع البحر ( الجيش )





مسجد السيد البدوى




مبنى المحافظة





لا .. دى صوره من الراوند .. عادى يعنى