إمتحان الباطنة العامة
بعد 100 يوم باطنة عامة
إمتحان ظريف وابن ناس
بس كالعاده طبعا مش عارفين عليه كام درجة
أنا مش عارف الكلية دى بتعاملنا كدا ليه
مش من حقنا نعرف توزيعة درجاتنا ولا درجاتنا ذات نفسها ( الكلية الوحيده إللى بتكتب التقدير وخلاص ) ده حتى ميعاد الإمتحان كتير بيخلوه مفاجأه - من باب الدعابه يعنى - إنها حقا كليه مرحه
عندنا امتحان نفسية و عصبية
يعنى نقلة كده من مادة الذبحة الصدرية و قرحة المعدة و الفشل الكلوى لمادة الإكتئاب و الشلل الرباعى
ربنا يحمينا ...
الإمتحان مش عارفينه إمتى .. وممكن أروح بكره أفاجأ إن الإمتحان بكره - عادى يعنى .. مش هتفرق كتير -
مش عارف مين إللى بيكتب الحاجات دى
إمتحان الـ MCQ بقى فجأة MSQ
و استمرارا لسياسة ( هتشترى الكتب غصب عنك يا حماده ) .. لازم و حضرتك جى تمتحن تجيب معاك الـ Log book و ده بيسلموهولك مع الكتب
يعنى عشان تعرف تمتحن ف الكلية لازم تشترى كتب القسم
لا و إيه ( حضور الـ Log book ) مش إحضاره .. ده غير إن الشخص إللى كاتب .. كاتب Loog book يعنى حتى كاتبها حتى غلط
أعتقد رئيس القسم كان بيقول أكدوا عليهم الـ Log book ييجى .. فبقت بالتالى - حضور الـ Log book -
هناك 10 تعليقات:
المهم اخبار الامتحان معاك ايه
يارب تكون حليت كويس وجبت الLOG BOOK معاك وجبتله حاجة سقعه كمان :)
انا الحمد لله حليت كويس
شكرا على ردك
للاسف مش فاهمة حاجة اصلي لسا في ثانوي ومااعرفش عن الجامعات حاجة بس حبيت اشكرك على مرورك وتشريفك لمدونتي وياريت يكون تشريفك مستمر
تقبل تحياتي
بما إنك فى ثانوى .. ربنا يكرمك و تدخلى الكلية إللى تتمنيها
أشكرك على زيارتك و أتمنى برضه تكون دائمة
هههههههههههههههههههههه
هم يبكي وهم يضحك
يا سيدي تلاقي اللي كاتبها سن قلمه الدغ ولا حاجة
المهم انت عملت ايه في الامتحانات
ربنا يوفقك يارب
طبعا الامتحانات مفاجأة عشان اللى ذاكر ذاكر ههههه
وطبعا برضه هم مش المهم عندهم حضور الطلبة علشان كدة اكدوا على حضور الlog book لان بحضوره هتحضر الطلبة هههههههه
مش عارفين فاضل ايه تانى
حسبنا الله ونعم الوكيل .
تحياتى
فتافيت
شكرا على زيارتك
الحمد لله حليت كويس
نبض الحياة
شكرا على زيارتك أتمنى تكون دائمة
تحياتى برضه
msq ? loog book ?
ههههههههههههههههههههههههة
الحمد لله علي نعمة طب قناة السويس لوحة الاعلانات بتاعتنا بالكمبيوتر:D
و هو صحيح اللوج بوك ده ولي امر عشان تحضره معاك ؟!!!
ربنا يكون في عونكم و في عون طلبة طب اجمعين
أيوه أنا اسمع عن طب قناة السويس ده إنه حاجه تانيه ....
هم عايزين يجبروا الطلبه تشترى الكتب وخلاص
شكرا على مرورك يا دكتوره
إرسال تعليق