خط ماجينو Ligne Maginot
تانى اقوى مانع دفاعى صناعى فى التاريخ
خط ماجينو اتبنى بطول الحدود بين فرنسا والمانيا عشان يحمى فرنسا من الهجوم النازى
لكن الالمان قدروا يخترقوا خط ماجينو عن طريق شغل المخابرات .. والمواجهة غير المباشرة
على فكره برضه شغل المخابرات خلى المانيا احتلت بولندا تقريبا من غير ما الجيش يضرب طلقة واحده
اتسمى خط ماجينو نسبة لوزير الدفاع الفرنسى " أندريه ماجينو " .. اللى اقترح استراتيجية الدفاع الثابت .. واقترح فكرة بناء خط دفاعى حصين يحمى فرنسا من الالمان ويمكنهم من صد هجماتهم وتوجيه هجمات مضادة
فشل خط ماجينو في حماية فرنسا من الغزو الألماني في الحرب العالمية التانية... لان الالمان اعتمدوا فى خطتهم على وضع قوة شكلية مقابل الخط لايهام الفرنسيين انهم هيهجموا هجوم مباشر ، فى حين ان القوات الرئيسية هاجمت عن طريق هولندا وبلجيكا
الهجوم على فرنسا بدأ يوم 10 يونيو 1940 .. وفى 14 يونيو كان الالمان دخلوا باريس
وفى نفس اليوم أعلنت ايطالليا ( حليفة المانيا ) الحرب على فرنسا وبريطانيا
، وبعدها دخلت ايطاليا جنوب فرنسا فى 21 يونيو 1940
هتلر بقى عمل حركة جامده اوى .. بعد هزيمة المانيا ف الحرب العالمية الاولى حبت الدول المنتصرة " فرنسا و بريطانيا " اذلال المانيا فخلوا القادة الاملان يوقعوا على وثيقة الاستسلام فى عربة قطار
جه هتلر بقى بعد ما هزم فرنسا جاب نفس عربة القطار دى وقعد الفرنسيين فيها وخلاهم وقعوا على وثيقة استسلاهم فى نفس العربيه
حررت قوات الحلفاء فرنسا فى اكبر عملية انزال بحرى فى التاريخ فى نورماندى فى 6 يونيو 1944 ، واخيرا استسلمت ألمانيا فى 29 ابريل 1945
هناك 10 تعليقات:
:)
اول مرة اسمع عن خط ماجينو
بس واضح ان القرن ال 20 كانت موضه الخطوط
و القرن ده هتبقى الموضه هى الجدران العازلة D:
شكرا عالبوست :)
هرد عليك بنفس الرد الشلل بتاعك
حمادة يابن خالتى
إنت حلو
لا بس بجد يعنى أنا سعيد بيك
ياريت تكتر من الحاجات دى
***
موضوع عربية القطر دا أول مرة أعرفه
بس فعلا هتلر كان بيكره الفرنسيين بدرجة غير طبيعية و كان شايفهم أسوأ شعب فى العالم بل حتى كرهه لليهود فى الأول حياته السياسية لم يكن ككرهه للفرنسيين ....
و المفاجأة إن هتلر كان بيحترم الإنجليز جدااا و كان نفسه يبقى حليف ليهم
أما كرهه للفرنسيين كان دا بسبب إقليمى الإلزاس و اللورين إللى فرنسا خدتهم بمقتضى معاهدة فرساى ـ على ما أذكر ـ بعد هزيمة ألمانيا فى الحرب العالمية الأولى
و من يوميها و عينين هتلر على الإقليمين دول لإنهم إقليمين زراعيين و بيوفروا غذاء كتير و دا كان أحد الهواجس الرئيسية عند هتلر
إن الدولة فى المستقبل متقدرش توفر الأكل لأبناءها المتزايدين زيادة متطردة
الحربين ......العالمية التانية و الأولى دول فيهم قصص مسلية جدااااا
:) :) :)
حماده و حماده D:
انتو حلوين يا ولاد !!
:) بجد بستمتع ببوستاتكو
و بمناسبة الحرب العالمية بيرل هاربور هى قصتى المفضلة D:
sarah
دايما منورانى يا فندم ..
"حماده و حماده D:
انتو حلوين يا ولاد !!"
ميغسى
أحمد ده " حماده يعنى " او " هراء " فى مقولة اخرى ابن خالتى و احنا قد بعض .. دفعه واحده يعنى .. وكنا ف وش بعض على طول.. فتلاقينا بنعز بعض اوى يعنى
حماده ...
"موضوع عربية القطر دا أول مرة أعرفه "
اهو ده بقى دورى التثقيفى فى المجتمع
انا معاك فعلا فى ان
"الحربين ......العالمية التانية و الأولى دول فيهم قصص مسلية جدااااا"
وجود هتلر في الحرب العالمية الثانية اثراها عسكريا !
فهذا الرجل فعلا ذو فكر عسكري عالي بغض النظر عن انعدام ادميته و انسانيته
هو يعمل لمبدأ معين بطريقة مخططة
هو كان حاطط مصلحة شعبه فى المقام الاول
وبعدين هتلر ابدا ميفرقش عن بوش او اوباما او غيرهم
افادك الله ياقبلاوى
أنور السادات الله
يرحمه كان غاوى يتفرج
على الأفلام العسكرية اللى
بتحكى عن الحروب والخطط وكان
بيستفيد بيها للتخطيط للحرب
مع أسرائيل وفعلاً فى التدوينة دى
فيه كذا نقطة ممكن حتى نستفيد بيها
فى حياتنا :اعرف أخبار عدوك,تكتم أخبارك
بردون)الصيط ولا الغنى)عدم الاستسلام وكذلك عدم التهويل أو التهوين
من قوة خصمك.عجبنى الكلام اوى
ياقبلاوى:)
norahaty
ازيك يا دكتوره
هو السادات كان عبقرى .. فعلا كان سابق عصره
إرسال تعليق