بالورقه والقلم خدتينى ميت ألم
أنا شفت فيكى مرمطه وعرفت مين اللى اتظلم
- " احنا على الأقل أحسن من غيرنا بكتير "
= " قولى أحسن من غيركوا فى ايه .. انتوا عاملين نفسكوا مبسوطين ، مين مبسوط ؟ منصف مبسوط ؟ وهو مش لاقى مكان يعيش فيه هو و مراته ؟ ولا ابتسام مبسوطه وهى مش عارفه تصبر نفسها ولا تصبر جوزها ؟ ولا سعيد .. سعيد اللى عنده 30 سنه ولسه قاعد مع أمه لحد النهارده عشان مش عارف يشتغل ولا لاقى شغل ؟ ، وبكره هيكون حماصه زى سعيد ونوسه زى ابتسام ، انت نفسك عاجبك حالك ؟"
- " أنا يابنى دايما بقول الحمد لله "
اللى فات ده كان مشهد من الفيلم ...
- " أنا يابنى دايما بقول الحمد لله " و " احنا على الأقل أحسن من غيرنا كتير "
شعب غريب .. يستاهل كل اللى بيحصله و أكتر ..
ربنا مأمرناش نسيب حقنا ونقول " الحمد لله " ،
أو اننا نبقى ع الحال ده ونقول احنا أحسن من غيرنا
أصل أنا بقى كنت فى بلطيم وكده ،،
وكعادة بلطيم بيكون فيها سينما .. وكعادتى فى بلطيم بدخل السينما
كان فيلم "عسل أسود" ،،
الفيلم كان رائع ..
فيلم جديد ..
يعنى مجبش فى الآخر انه طلع غلطان وان مصر حلوه وهو مش واخد باله ، حتى أما حب يرجع الباسبورت الأمريكى اللى نزل الطياره ،،
أول فيلم من زمان ميتكلمش عن جمال الوحده الوطنيه فى مصر ،،
قصته مش منقوله من فيلم أجنبى
جايب ازاى انت مستباح وانت مصرى
ومحترم وانت مش مصرى
ليه اللى جايلك اجنبى
عارفة عليه تطبطبى
وتركبى والش الخشب وعلى اللى منك تقلبى
عارفة عليه تطبطبى
وتركبى والش الخشب وعلى اللى منك تقلبى
عارفة سواد العسل
اهو ده اللى حالك ليه وصل
ازاى قوليلى مكمله وكل ده فيكى حصل
اهو ده اللى حالك ليه وصل
ازاى قوليلى مكمله وكل ده فيكى حصل
يا بلد معاندة نفسها
يا كل حاجة وعكسها
ازاى وانا صبرى انتهى لسة بشوف فيكى امل
يا كل حاجة وعكسها
ازاى وانا صبرى انتهى لسة بشوف فيكى امل
بالمناسبه الحته الأخيره دى غيروها ف أغنية الفيلم .. بقت
انسينى أنا صبرى انتهى ومش هشوف فيكى أمل
كان مع الفيلم فى نفس العرض فيلم الديلر بتاع أحمد السقا .. بصراحه يعنى فيلم غاية فى الإثارة والتشويق
أول مره أفهم مصطلح " سئ لدرجة أنه ممتع "
طرداك وهى بتحضنك
وهو ده اللى يجننك
بلد ماتعرف لو ساكنها والا هى بتسكنك
وهو ده اللى يجننك
بلد ماتعرف لو ساكنها والا هى بتسكنك
بتسرقك وتسلفك
ظلماك وبرضه بتنصفك
ازاى فى حضنك ملمومين وانتى على حالك كده
ظلماك وبرضه بتنصفك
ازاى فى حضنك ملمومين وانتى على حالك كده
بالورقه والقلم .. نور عبدالله
"باحبها بعنف وبرقة وعلى استحياء
وأكرهها وألعن أبوها بعشق زي الداء
وأسيبها وأطفش في درب وتبقى هيّ ف درب
وتلتفت تلاقيني جنبها في الكرب
والنبض ينفض عروقي بألف نغمة وضرب
على اسم مصر"
وأكرهها وألعن أبوها بعشق زي الداء
وأسيبها وأطفش في درب وتبقى هيّ ف درب
وتلتفت تلاقيني جنبها في الكرب
والنبض ينفض عروقي بألف نغمة وضرب
على اسم مصر"
هناك تعليق واحد:
و الله كل يوم اجد فيك جديد لكن بيأكد نظرتى فيك انت عميق جداً لكن صامت كثيراً ,,,,,,,, احييك
إرسال تعليق