اسكندريه

السلام عليكم

5/5

رحنا اسكندريه .. عادى يعنى

 وذلك فى اطار احتفالاتنا بعيد ميلاد الريس و امتحان راوند الولاده

اتفقنا نتقابل ف الموقف الساعه 11 الصبح ... نزلت من بيتنا بعد 11 و متوقع هروح ألاقى الزملاء منتظرين يستشيطون غضبا ،،

بس كنت انا اول واحد وصل الموقف  :)

وصلنا اسكندرية .. ورحنا قابلنا باقى الزملاء فى سان ستيفانو

فكرنا فى برنامج  لقضاء اليوم وكل واحد أدلى بدلوه ..

·        نروح مكتبة اسكندرية

·        نشترى شنطه

·        كورنيش

·        جبنه مقليه

·        اقابل شرابى

·        انا عايز انام

المهم ...

رحنا مكتبة اسكندرية ..

هناك الناس كلها قاعده تقرا واحنا الوحيدين اللى عايشين دور السياح ، وعمال نصور وعاملين قلق

مثلث كاليماخوس

 

 موسى بيلعب فى كمبيوتر م اللى هناك

 

القبة السماويه

 

دخلنا متحف السادات فى القبة السماويه .. متحف جامد ابقوا زوروه ،،

جه وقت الغدا .. ناكل فين يا ولاد ؟؟

"حوده جوندل طبعا"

وجبة تيك اواى بـ 20 جنيه .. بس بصراحه جامده جدا

خدنا الاكل ونطينا من ع الكورنيش قعدنا تحت ع البحر جمب الاخوه اللى بيصطادوا .. الكورنيش كله كان بيتفرج علينا ...

بعد كده رحنا عند القلعة ...

أكلنا جيلاتى من عند عزه .. بسيونى كان عايز يشترى زماره

الأولاد و نلاحظ  فى الصورة بقايا جيلاتى عزه 

 

كنا عايزين نركب الاتوبيس أبو دورين .. نصحنا الناس نركب من راس التين عشان نلاقيه فاضى ،، 

ركبنا وخدنا الخط من اوله لآخره تقريبا ،،،

بعد كده رحنا خالد بن الوليد ... وجبنا لب

رحنا للحداد بيته .. وكان قاعد بيلعب مش بيذاكر

كارفور عشان حسام كان عايز يشترى شنطه للاب بتاعه

من هناك اشتريت مزرعة الحيوانات لجوروج اورويل .. بـ 11 جنيه 95 قرش ، ومخدتش الشلن

  بعد كده روحنا ..

 الدروس المستفاده من الوحده ..

- اسكندريه دى حلوه
- العيال اللى كانوا مسافرين معايا دول دماغهم تعبانه