قصة قصيرة كنت مشارك بيها فى العدد الرابع من مجلة TRL
= المدير اتغير يا أستاذ حسين
- يا خبر .. يادوب ألحق أجهز اليافطه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
( عاش البيه المدير )
- ألف مبروك يا فندم
* أمال إيه اليافطه إللى بره دى يا أستاذ حسين
- الناس بتحب حضرتك جدا يا فندم
= المدير اتغير يا أستاذ حسين
- هجهز اليافطة حالا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
( عاش البيه المدير )
- ألف مبروك يا فندم
* الله يبارك فيك .. عايزين شغل جامد يا أستاذ حسين ، صحيح .. إيه اليافطه إللى بره دى ؟
- أصل الناس بتحب حضرتك جدا يا فندم
= المدير اتغير يا أستاذ حسين
- أنا عامل حسابى متخافش
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
( عاش البيه المدير )
- ألف مبروك يا فندم
* شكرا ، أنا أسمع إنك موظف كفء
- أتمنى أكزن عند حسن ظنك يا فندم
* هى إيه اليافطه إللى بره دى ؟
- يا فندم ... الناس بتحب حضرتك جدا
= المدير اتغير يا أستاذ حسين
- هووف .. ألو .. أطلبلى الخطاط يابنى
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
( عاش البيه المدير )
- ألف مبروك يا فندم
* شكرا يا أستاذ حسين ، إيه موضوع اليافطه إللى بره دى ؟
- دى للترحيب بيك يا فندم ، أنا و الموظفين سهرانين طول الليل بنجهز فيها
* طيب وليه كده ؟
- الناس بتحب حضرتك جدا يا فندم
= ألف مبروك يا حسين بيه .. حضرتك أكفأ واحد لمنصب المدير
- هههه ..أمال إيه اليافطه إللى بره دى يا أستاذ على
= الناس بتحب حضرتك جدا يا فندم
هناك 6 تعليقات:
الف مليون حمدلله على السلامة ياقبلاوى
ايه الغيبة الطويـــــــــــلة دى
اعمل جوله وارجع اعلق على القصة
ولا اقولك اضمن اعلق وبعدين
اشوف اللى فاتنى احسن النت
الايام دى مش تمووووووام
وبيعمل حركات مش هى:(
المهم القصة حلوة
وواقعية والاستاذ
حسين ده ماركة مسجلة
لموظفين كتير عندنا اول ما يمسكوا
المنصب ينسوا اللى فات ويفتكروا ان
بصيح الموظفين (بيموتوا فى دباديبهم)!!!
وتمنياتى بالتوفيق فى امتحاناتك يااااااارب
شكرا على تعليقك يا دكتوره
منوره المدونه كده دايما يارب
الفتره اللى فاتت كانت فيه مشاكل فى النت بس الحمد لله اتظبط خلاص
موضوع جاامد يا قبلاوي
يمكن من أكتر تلات مواضيع عاجباني في العدد
أحييك
الاستاذ حسين للأسف واقع
نرجو ان يتغير ):
حسام
شكرا يا حسام
أنا مبسوط انه عجبك
Sweet Violet
شكرا على زيارتك
ان شاء الله يتغير
إرسال تعليق