توفى النهارده زميلنا محمود طاهر
ياريت ندعيله وندعى لأهله
ربنا يرحمه و يصبر أهله و يثبتهم
ياريت ندعيله وندعى لأهله
ربنا يرحمه و يصبر أهله و يثبتهم
الثلاثاء، 28 أبريل 2009
الاثنين، 27 أبريل 2009
الحياه بقى لونها انبى
مبروك التعادل ...
الأهلى مش بيخسر
بيلعب حلو بيلعب وحش مش بيخسر
مش فاهم ايه الحكايه يعنى
أمال هيخسر امتى
الطريف إن الأهلاويه هيشجعوا الزمالك بكره
والزملكاوية هيشجعوا الاسماعيلى
مش فاهم زعلانين ليه ان سيد معوض انطرد
ده مكسب ليكوا على فكره
و طبعا كالعاده الأهلى بيحاول يفوز بدراعه
لازم كل ماتش خناقه و تعلية صوت
الأهلى مش بيخسر
بيلعب حلو بيلعب وحش مش بيخسر
مش فاهم ايه الحكايه يعنى
أمال هيخسر امتى
الطريف إن الأهلاويه هيشجعوا الزمالك بكره
والزملكاوية هيشجعوا الاسماعيلى
مش فاهم زعلانين ليه ان سيد معوض انطرد
ده مكسب ليكوا على فكره
و طبعا كالعاده الأهلى بيحاول يفوز بدراعه
لازم كل ماتش خناقه و تعلية صوت
الأربعاء، 15 أبريل 2009
TRL IV
النهارده طلعنا العدد الرابع من مجلة
TRL
و دى مجلة عاملينها أنا و مجموعه من الزملاء
و بتطلع بظروفها يعنى
الحمد لله نالت قدرا لا بأس به من التقدير
و حتى دكتور أحمد خالد توفيق كان أشاد بيها و كان كتب عنها فى أسطورة " نادى الغيلان "
أنا داخل فى العدد ده بقصتين صغنططين كده
إن شاء الله يطلع كويس
الثلاثاء، 7 أبريل 2009
تاج الجزيرة
تاج
جالى تاج من صديق الطفولة حسام غانم ( أعرفه من بتاع تانيه ثانوى كده )
اسم مدونتك ؟
قبلاويات
مجال دراستك ؟
خامسة طب بشري
الصورة الرمزية لمدونتك بتعبر عن ايه ؟
أحمم ...
هى طبعا بتعبر عن حاجات كتير
المشكله بس إن مفيش صورة أصلا ( وش واحد بيضحك بسماجه )
هل فكرت فى إغلاق المدونة ؟ والسبب ؟
لأ مفكرتش
ايه رد فعلك لو حد قل أدبه عليك في التعليق ؟
هو لو بيقول رأيه و الكلام مش خارج يعنى .. فأعتقد هو ده الغرض من المدونة يعنى
إنما لو قل أدبه قل أدبه ... هحذف الرد يعنى
أسوأ مدونة ؟
أعتقد هى المدونة دى
هيحصل ايه للإيميل بتاعك بعد ما تموت ؟
هو أكيد هيزعل عليا
لإن بحسن معاملته و مربيه ع الغالى
أديت الباس وورد لحد قبل كده ... ؟
لأ
السفر بالنسبة لك ؟
بحب السفر جدا جدا جدا
بس المشكلة إن فى كثير من ا
أحيان مش بعرف أسافر لظروف دراسية أو عائلية أو مادية
عامة إن شاء الله مشافر تبع الكلية لصربيا فى تبادل طلابى
المود بتاعك ؟
مودى ( مش اسم دلع ) ..
مزاجى بطريقة رهيبة
شخصية هوائية يعنى
بتعمل ايه فى وقت فراغك ؟
بضيعه بطرق محدش يقدر ينافسنى فيها
بنام
بلعب ع الكمبيوتر
نت
بقعد مبعملش اى حاجه كده لحد م اليوم يخلص
الأكلة المفضلة ؟
مكرونة طبعا بكل صورها و أشكالها
جمبرى
ملوخية
أكتر ست حاجات بتكرهها ؟
الكدب
الخيانة
ممدوح فرج
مفيد فوزى
أكتر ست حاجات بتحبها ؟
مش عارف
مش عارف بصراحه
شخصيتك نوعها ايه ؟
ملول
لحوح ( مبسوط يا حسام ؟ )
مش بكره حد
لماذا دخلت عالم التدوين ؟
يعنى وسيلة أكتب فيها أفكار و يوميات
أجمل كلمة قيلت فى وصف مدونتك ؟
مش حاجه بعينها
كل رد اتقال جميل
أهمية التعليق بالنسبه لك ؟
يعرفنى فيه حد مهتم ولا لأ
حد بيقرا ولا لأ
حد بيشاركنى ولا لأ
و أكيد طبعا بتسعدنى جدا
أحسن بوست كتبته وليه ؟ ضع اللينك
هى دى قصة
أعتقد انها نالت قدرا من الاستجسان
كنت نزلتها وقت أحداث غزة الأخيرة
http://keblawyat.blogspot.com/2009/01/blog-post_13.html
أفضل بوست قرأته ؟وأفضل مدونة؟
مش بوست واحد
و فيه مدونات كتير جميلة
وعامة أكتر مدونات عجبتنى هم اللى حاططهم فى قايمة المدونات اللى بتابعها
الإنترنت بالنسبة لك ايه ؟
وسيلة رائعة في كل مجالات الحياة
تمرر التاج لمين ؟
هو أنا كنت عايز أمرره لناس كتير بس
همرره لدول ويا رب ماكونش تقيل على حد
الاشتراك في:
الرسائل (Atom)