خط بارليف the Bar Lev Line

اتكلمنا قبل كده عن خط ماجينو ... المره دى هنتكلم عن خط بارليف

السلام عليكم

فى يونيو 1967 قدرت اسرائيل تحارب مصر و سوريا والاردن وفلسطين وتهزمهم فى آن واحد ...

لك ان تتخيل مدى الاحباط اللى سببته الهزيمة دى للشعوب العربية كلها ... بسبب نكسة 1967 اصبح لاسرائيل اليد العليا عسكريا ،، قبل الحرب دى كان العرب يقدروا فعلازا ما كانوا بيقولوا فى تصريحاتهم يمحوا اسرائيل من على الخريطة ، انما بسبب القيادة غير الحكيمة المسئولة مسئولية مباشرة حصلت  النكسة دى

نكسة عسكرية ومعنوية .. 

اسرائيل حبت تأمن نفسها تماماا من جانب مصر فقررت بناء خط دفاعى بينها وبين مصر على طول الضفة الشرقية للقناة

وبنت اسرائيل خط بارليف

 

خط بارليف .. اقوى مانع صناعى بين جبهتين فى التاريخ ...

اللى كتير ميعرفوهوش ان مصر عشان تبدا المواجهه المباشرة .. وش لـ وش .. مع اسرائيل كان عليها انها تعدى اكبر مانع مائى بين جبهتين فى تاريخ الحروب ، وبعديه اكبر و احسن مانع صناعى فى التاريخ

علشان كده كانت حرب اكتوبر معجزه بكل المقاييس ...

رفع علم اسرائيل فى مكان الموقع قبل البناء

خط بارليف .. خد اسمه ده نسبة لـ " حاييم بارليف "  .. يهودى نمساوى الأصل اتولد 1924 .. كان قائد سلاح المدرعات فى العدوان الثلاثى على مصر 1956 ، وتولى رئاسة الأركان فى الجيش الاسرائيلى سنة 1968 ، كان سفير اسرائيل فى روسيا فى الفترة من 1992-1994 ، وتوفى سنة 1994 فى تل أبيب

 

"إن المصريين لا يعرفون أي جحيم سوف ينصب عليهم بمجرد أن يضعوا أقدامهم خارج الضفة الغربية للقناة !!"" – حاييم بارليف  

استخدمت اسرائيل فى بناء الخط اللى اتكلف حوالى 500 مليون دولار وقتها الأسرى المصريين اللى اسرتهم بالجمله فى حرب 67 .. كمان استخدمت قضبان الحديد المصرية اللى كانت واصله مصر بالشام .. استخدموا قضبان حديد بطول حوالى 200 كيلو فى تحصين الخط

خط بارليف

-         طوله : وصل 22 متر

-         انحداره : زاوية 45 درجه

-         العمق : 12 كيلو داخل سيناء

كمان فى خط بارليف كان فيه خزانات لمواد قابلة للاشتعال ( النابالم ) كانت مجهزه انها تنطلق فى القناة لمواجهة اى محاولة للعبور على سطح القناة وكانت بتصل درجة حرارة اللهب 700 درجة مئوية ، وبعتت مصر ضفادع بشرية قفلوا فتحات الخزانات دى

الخبراء السوفييت قالوا ان مصر محتاجه قنبلة نووية عشان تقدر تعدى من خط بارليف

يقال ان اسرائيل مكانتش عامله خطة طوارئ لاخلاء حصون خط بارليف من فرط الغطرسه وتخيلها ان مستحيل عبوره

عامة فشل خطوط زى خط بارليف وخط ماجينو دمر نظرية خطوط الدفاع الثابته 

".   ولست أتجاوز إذا قلت أن التاريخ العسكري سوف يتوقف طويلاً بالفحص والدرس أمام عملية يوم السادس من أكتوبر 1973 حين تمكنت القوات المسلحة المصرية من اقتحام مانع قناة السويس الصعب، واجتياح خط بارليف المنيع وإقامة رؤوس جسور لها على الضفة الشرقية من القناة بعد أن أفقدت العدو توازنه كما قلت في ست ساعات." الرئيس السادات

The Hairbrush song

The Hair brush song

-Oh! Where is my hairbrush?? Where is my hairbrush???

- Oh! Where Where  Where  Wheeeeeere is my hairbrush??

* I think I saw I saw back theeeeere a hair brush

- Back theeere is my hair brush, back theeere is my hairbrush, where back there back there back thereee,  where is my hairbrush ??

* Why do you need a hairbrush while you don't have any haiiiiiiiiiir ??

- No haiiiir for my hairbrush, No haiiiir for my hairbrush , no hair, no hair, no hair, no haiiiiiiiir , For my hairbrush

* The hairbrush of yours, well,  you never used it, you don't really need it, so well, sorry I didn't know, but I gave it to the beech ..... Because he's got hairrrrr

- Not fair, Oh! My hairbrush, not fair, my poor hair brush, not faiiiiir not faiiiiir not faiiiiiiiiiiiiiir, my hairbrush

* Thanks for the hair brush

- Take caaaaaare of my hairbrush, take caaaaare of my hairbrush, take care take care take caaaaaaaaare of my hairbrush

The END

امتحنا

السلام عليكم


الجمعة 26/3


امبارح الخميس 25/3 امتحنت امتحان الـ 20% ( أعمال السنه ) فى الجراحه العامة

والامتحان كان على المنهج كله .. اللى هو هنمتحن فيه تانى فى شهر 12 .. بس للأمانه كانوا لاغيين لنا بتاع 20 صفحه ولا حاجه عشان يخففوا علينا يعنى






" من الجميل أن تقول للطلبه على نظام امتحان ثم تفاجئهم بعكسه تماما .. وذلك على سبيل المرح "


دى مقوله قالها أحد الحكماء .. وتقريبا كان جد دكتور فى قسم الجراحه عندنا 


انا مش فاهم الدكتور يلف على القاعات يقول على نظام الامتحان وندخل نلاقى حاجه تانيه خالص .. طيب ليه كده يعنى ؟؟ كا تسكت و خلاص




النهارده رحت ازنجريه ( اسكندريه يعنى ) ...


شركة جلاكسو بتاعة الأدوية كانت عامله ميتنج علمى ( غدا يعنى ) وكنت رايح  مع بعض الأقارب كنوع من أنواع البرشته و الفسحه يعنى


شركة جلاكسو دى اللى هى بتاعة ( أبيمول و ايبيدروكسيل و ماركوفين ) .. حبة دعاية أهم عشان نحلل اللقمة




وكان فيه محاضرتين عن الصرع وعن الطوارئ الجراحية فى البطن عند الأطفال ( كنت سعيد يعنى وانا لسه ممتحن ع الكلام ده امبارح )


الاتنين المحاضرين دكاتره فى طب اسكندرية ..


اول مره افهم الصرع ده الحقيقة 


الفيديو ده اتعرض هناك (absence epilepsy)
http://www.youtube.com/watch?v=z9V2sNmIoJk


وده بقى متعرضش (generalized tonic colonic )
http://www.youtube.com/watch?v=59velheuagQ






إن شاء الله نبدأ بكره راوند النسا


ادعولى ...

قعدة اصحاب مع دكتور أحمد خالد توفيق

قعدة أصحاب

المكان كافيه " مكانى "

الخميس 11/3 الساعه 7

طبعا الأولاد كانوا ضاحكين علينا و الميعاد كان 7 ونص .. بس قالولنا7 على أساس اننا أكيد هنتأخر يعنى ونروح فى الميعاد الأصلى .. بس لا داعى لذكر هذا الموضوع

قعدة أصحاب ...

فكرة جديده جداااا

فى شكلها ومحتواها ..

مش ندوه .. قعده مش رسمى

رغم ان كان فيه بعض العنواين الرئيسية لمواضيع النقاش يطرحها منظم الـ "قعده " ،، إلا ان كل اللى كان بتيجى على دماغه حاجه بيقولها

قعده عباره عن نقاش على برنامج خفيف وحبة شاى وكانزات و عصير موز لبعض الأثرياء من الحضور ...

 

 

كان فيه كلام عن الترجمه فى مصر ، وعن ان اللغه الروسية وحشه

كان فيه كليب عن هايتى واعقبه مقال برضه عن هايتى  خلاصته اننا ملناش اى لازمه

اكتشفت انى لازم اراجع نفسى فى مصادر قراءاتى ، يعنى حان وقت تغيير مجلة سمير و ميكى جيب ...

 

اتصورنا مع الدكتور احمد

مضينا روايات من الدكتور أحمد

مارسنا بعض السخافه على الدكتور أحمد

 

كانت قعده ممتعه .. ورغم انى عندى امتحان جراحه وقسم الجراحه خلى الطلبه بتنام تحلم بالامتحان .. ورغم انى قاعد فى طنطا من الصبح ( كليه وكورس ) الا انى كنت مروح سعيد

خط ماجينو

خط ماجينو Ligne Maginot

تانى اقوى مانع دفاعى صناعى فى التاريخ

 كتير ما يعرفش ان اقوى مانع صناعى فى التاريخ هو خط بارليف .. وده هنتكلم عنه فى مره تانيه

خط ماجينو اتبنى بطول الحدود بين فرنسا والمانيا عشان يحمى فرنسا من الهجوم النازى 

لكن الالمان قدروا يخترقوا خط ماجينو عن طريق شغل المخابرات .. والمواجهة غير المباشرة

 

 جدير بالذكر ان المخابرات الالمانية كان لها دور كبير جدا فى الحرب العالمية التانية .. يكفى ان اقوى حاجتين كانت فرنسا بتحتمى بيهم من المانيا ( خط ماجينو و سلاح الفرسان ) قدرت المخابرات الالمانية تبطل مفعولهم .. فقضت على سلاح الفرسان الفرنسى عن طريق انهم اصابوا الخيول بالجمرة الخبيثة .

على فكره برضه شغل المخابرات خلى المانيا احتلت بولندا تقريبا من غير ما الجيش يضرب طلقة واحده

اتسمى خط ماجينو نسبة لوزير الدفاع الفرنسى " أندريه ماجينو " .. اللى اقترح استراتيجية الدفاع الثابت .. واقترح فكرة بناء خط دفاعى حصين يحمى فرنسا من الالمان ويمكنهم من صد هجماتهم وتوجيه هجمات مضادة

فشل خط ماجينو في حماية فرنسا من الغزو الألماني في الحرب العالمية التانية... لان الالمان اعتمدوا فى خطتهم على وضع قوة شكلية مقابل الخط لايهام الفرنسيين انهم هيهجموا هجوم مباشر ، فى حين ان القوات الرئيسية هاجمت عن طريق هولندا وبلجيكا

الهجوم على فرنسا بدأ يوم 10 يونيو 1940 .. وفى 14 يونيو كان الالمان دخلوا باريس 

وفى نفس اليوم أعلنت ايطالليا ( حليفة المانيا ) الحرب على فرنسا وبريطانيا

، وبعدها دخلت ايطاليا جنوب فرنسا فى 21 يونيو 1940

هتلر بقى عمل حركة جامده اوى .. بعد هزيمة المانيا ف الحرب العالمية الاولى حبت الدول المنتصرة " فرنسا و بريطانيا " اذلال المانيا فخلوا القادة الاملان يوقعوا على وثيقة الاستسلام فى عربة قطار

جه هتلر بقى بعد ما هزم فرنسا جاب نفس عربة القطار دى وقعد الفرنسيين فيها وخلاهم وقعوا على وثيقة استسلاهم فى نفس العربيه

حررت قوات الحلفاء فرنسا فى اكبر عملية انزال بحرى فى التاريخ  فى نورماندى  فى 6 يونيو 1944 ، واخيرا استسلمت ألمانيا فى 29 ابريل 1945

هاهاهاهاه

-  ولا .. امتحان ال 20 % يوم 25/3
= 

- بتقول حاجه ؟
= لا .. اوامرك يا باشا

- ولا .. امتحان الراوند 22 و 23 و 24 / 3
= 

 

- بتقول حاجه ؟
= لا .. براحتك يا باشا

- ولا .. طبعا انت فاكر ان الامتحان هيبقى على منهج الجراحه العامة كلها ..
= 

- لأا يا بنى .. أوعى تصدق الكلام ده
= 

- الامتحان على الجراحة العامة كلها وكمان الاوبيراتيف
=  

- هاهاهاهاهاه هاهاهاهاه هاهاهاهاه هاهاهاهاه هاهاهاهاه هاهاهاهاه هاهاهاهاه هاهاهاهاه هاهاهاهاه هاهاهاهاه هاهاهاهاه هاهاهاهاه هاهاهاهاه هاهاهاهاه هاهاهاهاه هاهاهاهاه هاهاهاهاه
هاهاهاهاه هاهاهاهاه هاهاهاهاه هاهاهاهاه هاهاهاهاه هاهاهاهاه هاهاهاهاه هاهاهاهاه هاهاهاهاه

مغامرات فوزى

مغامرات فوزى

كان فوزى ولدا مش مؤدبا .. لا يسمع كلام الميس ولا يشرب اللبن

وفى يوم من الايام جاءته الساحرة الشريرة التى تعاقب الاولاد الذين مش كويسين

وقامت الساحرة الشريرة بمعاقبته و حولته الى ولد اهبل

ثم طارت الساحرة الشريرة على كمانجتها فى سعادة وحبور

وهنا احتار فوزى فيم يفعل .. فذهب لسؤال الرجل العجوز الحكيم

والذى نصحه بان يذاكر ويعمل الواجب حتى يصبح واد شاطر وكده

وبعد ان سمع فوزى لنصيحة الرجل العجوز الحكيم .. اصبح ولدا ظريفا جميلا . واصبح يأخذ نجمه فى الفصل وأصبح قدوة لزملائه ومدرسيه

 

تمت