عيد ميلاد سمسم

استيقظ سامى من نومه فى سعادة .. 

وتباطأ فى النزول من على سريره المعلق بين شجرتين 

ما أحلى الكسل  و النوم خاصة فى هذا البرد ،، الا إن اليوم

غير عادى ... الكل يعرف هذا بالطبع .. اليوم عيد ميلاد 

سامى ،،

نزل سامى من على سريره فى سعادة وبشر

كان سامى ولدا مؤدبا .. يحبه الجميع ويشرب اللبن كل يوم صباحا ويغسل أسنانه

ألقى سامى التحية على الأزهار وردت هى عليه التحيه بمثلها   ،، وأخذ سامى  يلعب 

مع  الفراشات و يغنى مع العصافير

  حقا انها حياة رائعة تلك التى يعيشها سامى

الا أنه كان يشعر بالحزن لأنه اعتقد أن أصدقاءه نسوا أن اليوم عيد ميلاده  .. 

ولكن  " أليس " كان تجهز له مفاجأة كعادتها .. فقد جهزت حفلا كبيرا ودعت اليه كل 

الأصدقاء

احتفل الأصدقاء كلهم بسامى

واحتفلوا كلهم حلو التورته 

ثم أتت سنووايت لهم  بالآيس كريم

و بعدها أخذوا يغنون " هابى بيرس داى تو يو " و " يالا حالا بالا " و " الأخ اللى ...

 

- الأخ اللى سرحان ورا .. أيوه أنت .. سرحان فى ايه يا حبيبى ؟

كارنيهك .. 3 تيام غياب  .. ابقوا خلوا الكورسات تنفعكوا .. 3 تيام

متلازمة النفق الرسغى Carpal tunnel syndrome

  متلازمة النفق الرسغى Carpal tunnel syndrome

واحد من الحاجات اللى بتتشاف كتير كل يوم .. 

Carpus كلمة مشتقة من الكلمة اليونانية "karpos" بمعنى " رسغ "

الرسغ هو المنطقة اللى تفصل بين الساعد وكف اليد. وفي منطقة الرسغ بتعدى أوتار وأعصاب وأوردة وشرايين من الساعد إلى اليد، ومن اليد إلى الساعد. 

الحجم اللى بتعدى فيه كل الحاجات دى محدود ويادوب يقضى الحاجات اللى بتعدى فيه ..وواحد من الحاجات اللى بتعدى فى المنطقة دى " العصب المتوسط Median nerve " 

وبيحصل الضغط على العصب إما نتيجة لزيادة حجم أحد الأشياء التي تمر مع العصب داخل النفق الرسغي، أو نتيجة لنقص حجم النفق نفسه.

الشكوى

- تنميل 

- وخز

- ضعف فى عضلات اليد

والأعراض دى واخده  "الابهام - السبابه - الوسطى - نصف البنصر " ( يعنى 3 صوابع ونص )

الاعراض بتزيد تدريجيا

الاعراض بتزيد بالليل وممكن تصحيه م النوم

السبب 

- غير معروف تحديدا

بس فيه نظريات بتقول ان ممكن

 - الحمل

- نقص افراز هرمون الثيروكسين

- التهاب المفاصل الروماتويدى

- كمان فيه نظريات بتقول ان فيه عامل وراثى

الدكتور بيطلب

- رسم عصب ،  Nerve conduction study  و Electromyography

 - ممكن يطلب آشعه عاديه

العلاج

فى الأول عادة بيبقى العلاج فى صورة

 - أدوية مسكنة للألم ومخففة للالتهابات

- حقن «كورتيزون» في منطقة النفق الرسغي 

- دعامة بتتلبس بالليل تقلل الالم

انما البعض مينفعش معاهم غير عملية إ تخفف الضغط على العصب المتوسط.

المهم

 

اما تشك روح اكشف .. لان لو متعالجش بيأثر على العصب وعلى الإيد

بقالى كتير

السلام عليكم


بقالى كتير مجتش


وحشتونى جدااااااااااااااااااااااااا




اسكتوا ...


مش أنا رحت الأقصر و أسوان

رحلة وزارة الشباب ،،


رحنا أٍسوان الأول


أهل أسوان طيبين جدا ،، لا طيبين بطريقة غريبه يعنى ، ده غير انهم ودودين ودايما بيضحكوا فى وشك


أسوان مدينة جميييله وهادية 

النزل بتاعنا كان جوه نادى أسوان ،، ودى صورة استاد أسوان من النزل

السد العالى

الاقصر .. مدينتها الشبابية الجديدة دى جامده جدا ،، 

رحنا الأقصر فى نفس اليوم اتللى الريس كان هناك فى الأقصر بيفتتح مدينة الشباب دى ويومها أعلنوا ان الأقصر خلاص بقت محافظة


بس أخرونا فى أسوان على ما الريس مشى ... يلا ملوش نصيب يتصور معايا بقى ،،

وده مطعم كنا بناكل فيه فى الاقصر .. اكله حلو واسعاره كويسه .. اللى يروح الاقصر يبقى يروحه بقى

اسكتوا ... مش أنا امتحنت امتحان اول شيفت ف الجراحة العامة


اسكتوا ... مش انا عندى برد

ضربة جزاء

قصة قديمة

من مجلة TRL العدد التانى

(( تووووووووووووووووووووت ))

· ضربة جزاء ، ضربة جزاء لمنتخب مصر ياسلام ياسلام ضربة الجزاء دى فى منتهى الأهمية لإن زى مانتوا عارفين إللى هيفوز بالماتش ده هايتأهل لكاس العالم

· و شايف العندليب هو إللى داخل يشوط ، يالا يا عندليب عايزين نفرح يابنى

و جاء صوت الجماهير من خلف المعلق هاتفين:

· يارب

ووقف الناس فى الشوارع و الميادين يتابعون الشاشات العملاقة هاتفين:

· يارب

ووقف العمال فى المصانع و المهندسين فى المواقع هاتفين:

· يارب

ووقف الطلاب فى المدارس هاتفين:

· يارب

ووقف الأطباء فى المستشفيات و الفلاحين فى المزارع هاتفين:

· يارب

ووقف الناس على القهاوى هاتفين:

· يارب

كانت لحظة من الصفاء و النقاء و الإخلاص فى الدعاء من جميع فئات الشعب يدعون دعوة واحدة

وهنا عاد صوت المعلق قائلا:

· وداخل العندليب...داخل العندليب...وهوباه...هوباه.... و جوووووووووووووووووووووووووووون

و ارتفع صوت الجماهير من خلفه هاتفين :

· جووووووووووووووووون

وارتفع صوت الناس فى الشوارع و الطلاب فى المدارس و المسئولين فى المكاتب هاتفين:

· جووووووووووووووووون

و عاد صوت المعلق:

· ياسلام كده مصر تتأهل لكاس العالم عظيمه يامصر عظيمه يا مصر

· لأاااااااااااااااااااااااااااااااااااااااااه

· فيه إيه ياراجل ؟ كابوس تانى؟ قولتلك إبقى اتغطى و إنت نايم

· الحمد لله كان كابوس

· إيه شفت إيه؟

· تصورى شفت إن مصر كسبتنا و إتأهلت هى ، بس إن شاء الله إحنا إللى هنغلبهم فى ماتش بكره

· ياعم نام ، و إبقى البس بنطلون بعد كده

· طيب

(( واستدار ينام فى هدوء و سلام نفسى وهو يحتضن علم جيبوتي... بلده الحبيب ))

4 نوفمبر .. العيد القومى لكفر الشيخ

4  نوفمبر العيد القومى لمحافظة كفر الشيخ

4/11/1956 ..

بعد ما فشلت قوات العدوان الثلاثى فى دخول مصر عن طريق البحر ، حاولت فى يوم 4 نوفمبر الدخول عن طريق البرلس ..

فى اليوم ده تصدت البحرية المصرية للهجوم ودمرت  زوارق الطوربيد بارجه فرنسية ومدمرة بريطانية

من أبطال المعركة جلال الدسوقى - اسماعيل فهمى - صبحى نصير - محمد البيومى - وجميعهم من القاهرة وجول جمال السورى ابن اللاذقية وعلى صالح ومحمد رفعت من الاسكندرية -جمال رزق من المنصورة 



الشهيد جلال الدسوقى                                                       الشهيد على صالح

الشهيد جول جمال

بطاقة شخصية :

المساحة : 3748 كم مربع

عدد السكان : 2,517,028 ، حسب تعداد سنة (2003)

عدد المراكز : 10

المحافظ : محاسب أحمد زكى عابدين

شعار المحافظة :

أصل التسمية:
   سميت كفرالشيخ بهذا الاسم نسبة الى الشيخ طلحة ابى سعيد التلمسانى المغربى الشاذلى صاحب الضريح المقام بمدينة كفرالشيخ الذى قدم إليها من المغرب سنة 600 هجرية.

السياحة فى كفر الشيخ :

• سياحة ترفيهيه :- جبل النرجس ببلطيم -مصيف بلطيم – بحيرة البرلس  – حديقة دسوق - حديقه صنعاء قديماالزهور حاليا
• سياحة دينية :‎- مسجد سيدى ابراهيم الدسوقى  –مسجد سيدى طلحة (مسجد سيدي غازي )(كنيسه العذراء بسخا)مسجد سيدى على الخياط بمسير - الجمعيه الخيريه للرعايه الصحية والاجتماعيه بمسيرمسجد سيدى عبد الرازق بمنية مسير
• 
  
  سياحة تاريخية وأثرية :
  
  
  
  
  -          طابية عرابى – فنار البرلس – هضبة بلطيم – مدينة سخا – تل الفراعين ( فى مدينة بوتو عاصمة مملكة الشمال ) – تل قبريط – منزل الزعيم سعيد زغلول – استراحة الملك فؤاد ( المعهد العالى للخدمة الاجتماعية حاليا )
  
  
  
  سياحة داخلية :
  
  -          قناطر ادفينا – محطة البحوث الزراعية بسخا ( أكبر محطة بحوث زراعية فى الشرق الأوسط ) – مراكز التدريب على الأرز وآثار حربية كطابية العياش وعرابى  ببلطيم و الآثار الحربية من عهد أسرة محمد على
  
  
  

من أبناء المحافظة :

• الزعيم سعد زغلول

• الدكتور محمد عبد الرحمن بيصار شيخ الازهر السابق.

• الدكتور عبدالمنعم النمر وزير الاوقاف السابق.

• عبدالعاطى عبدالمجيدالشباسي من كبار علماء الازهر الشريف ولدعام 1919 م من اوائل دفعته صاحب النهضة التعليمية بسيدى سالم توفى عام 2001م.

• حافظ على بدوى رئيس مجلس الشعب السابق وصاحب الايادى البيضاء على محافظة كفرالشيخ سعى في كل المشاريع الخدمية.

• أبو إسحاق الحويني من علماء الحديث الشريف .
• وحيد عبد السلام بالى له كتب في محاربة السحرة و الجان غير ما له من نشاط كبير في الدعوة و في الفقة.

• حمدين صباحى: ناشط سياسي ومؤسس حزب الكرامة ورئيس تحرير جريدة الكرامة
• محمد مسعد ياقوت، كاتب وداعية إسلامي، عضو الاتحاد العالمي لعلماء المسلمين، والفائز بجائزة أحمد بهاء الدين عن كتاب أزمة البحث العلمي.
• محمد عبد الفتاح القصاص، من علماء الجيولوجيا، وهو متخصص في التصحر.

صور من كفر الشيخ :